वसन्तको फूल तिमी फुलिदिन्छौ बागमा
एकान्तको साथी तिमी समाउँछौ हातमा
बाग भित्र नानारंगी अनेक थरी फूल
हाँस्ने खेल्ने जीन्दगीमा संसारलाई भुल
सिर्जनाको गीत तिमी गुंजीदिन्छौ कानमा
तिर्सनाको प्रित तिमी बसिदिन्छौ साथमा
सागर माझ उठिरहन्छन नानाथरी तरंग
चोखो माया लगाई संसारलाई पारिदेउ दङ्ग
पुर्णिमाको जून तिमी मुस्काउँछौ रातमा
एकान्तको साथी तिमी समाउँछौ हातमा
No comments:
Post a Comment