माया मेरो सधैँ सधैँ
साथ छोडि एक्लो पारी विर्शी जानेलाई
आशिष मेरो लाख लाख
वाचा कसम भुली मलाई छोडि जानेलाई
चोखो मायामा बदला हुदैन
बरु हुन्छ बलिदान
राख्न सकेनौ तिमीले कहिल्यै
आफ्नो मायाको थोरै मान
किन लायौ माया तिमीले
निभाउन नसक्ने थियौ भने
किन खायौ झुठो कसम
साथ नदिनु थियो भने
तैपनि ,
सम्झना छ सधैँ मेरो
दील तोडी मन चोरी टाढा हुनेलाई
आशिष मेरो लाख लाख
वाचा कसम भुली मलाई छोडि जानेलाई
मायामा शक्ति अपार हुन्छ
मेरो मायामा पनि थोरै हुनुपर्छ
धोखा दिनेको मन सधैँ पश्चातापमा जल्छ
सम्झी मलाई एक दिन तिमीले पनि पछुताउनु पर्छ
रुनु छ तिमीले पनि भोलि
आज मलाई रुवाएर के पायौ
छोडेर मलाई टाढा भई
तिमी पनि शायद त्यहाँ एक्लै भयौ
तैपनि ,
मङ्गल कामना गर्दछु सदा सदा
मलाई रुवाइ एक्लो बनाइ टाढा हुनेलाई
आशिष मेरो लाख लाख
वाचा कसम भुली मलाई छोडि जानेलाई
No comments:
Post a Comment