तिम्रा आँखाहरुमा

तिम्रा आँखाहरुमा आफ्नो तस्विर हेर्न मन लाग्छ

तिम्रा भाकाहरुमा प्रीतिको धुन सुन्न मन लाग्छ

सरिताको कलगान र कोइलीको सुरिलो कण्ठसंगै

तिम्रा अधरबाट आफ्नो नाम सुन्न मन लाग्छ

कल्पनामा अंकुराएका स्वर्णिम महलहरु जस्तै

तिम्रो मुटुमा प्रीतिको फूल रोप्न  मन लाग्छ

गोधुलीमा संघारमा उभिएको पथिक हुँ म

तिम्रा पलकमा वास मग्न  मन लाग्छ

इन्द्रेणीको सात रंगमा तिम्रो जवानी उतार्न  मन लाग्छ

तिम्रो मुस्कानमा आफ्नो जीन्दगी खोज्न  मन लाग्छ