मैले सुख होइन सन्तोष खोजकीथें 
दौलतको चाबी कहाँ हो र ?
वस् एक चिम्टी सिन्दूर मागेकीथें
तिम्रै हातले रंगाउन चाहेथें सिउँदोलाई
तिम्रै पलकमा भुलाउन खोजेंथें मनलाई
कहाँ हुनु र चाहे जस्तो
कहाँ पाउनु मैले खोजे जस्तो
तिमीले त उल्टो अर्थ लगायौ
मेरो मायालाई नै कलंकित बनायौ
मैले आँशु होइन हाँसो रोजेकीथें
हिराको हार कहाँ हो र ?
वस् एक डोरो पोते मागेकीथें 
तिम्रै नाम दिन आँटेथें गलाको पोतेलाई
तिम्रै सहारामा डोर्याउन खोजेंथें जीवनलाई
कहाँ हुनु र आँटे जस्तो
कहाँ पाउनु मैले खोजे जस्तो
तिमीले त अर्कै बाटो लियौ
मेरो जीन्दगीलाई नै कलंकित बनायौ 
सुनको गहना कहाँ हो र ?
वस् काँचको चुरी मागेकीथें 
मैले त देवतै सोचेथें तिमीलाई
मन मन्दिरमा बसाउन रोजेथें तिमीलाई
कहाँ हुनु र सोचे जस्तो
कहाँ पाउनु मैले रोजे जस्तो
तिमी त अर्कै भएर निस्कियौ
मेरो जीन्दगीलाई नै बरबाद बनाइदियौ
मैले बरबादी होइन विश्वास खोजेकीथें
सिङ्गमरमरको महल कहाँ हो र ?
वस् फुसको झुपडी मागेकीथें
No comments:
Post a Comment