पुरुष - परिचय
जगतका दुई दिशा
आन्तरिक - बाह्य
देहातीत - दैहिक
आत्मिक - सांसारिक
आध्यात्मिक - भौतिक
अदृश - सदृश
आध्यात्मिक जगतमा
देह
याने
नगर
शहर
पुर
यसको निवासी
पुरुष
अर्थात्
जीव
आत्मा
परमात्मा
सांसारिक अर्थ
फरक
शारीरिक बनावटमा
गुणमा
प्रकृति र पुरुषको
अण्डाणु र शुक्राणुको
मिश्रणबाट भ्रुणको सृष्टि
तेइस तेइस क्रोमोजोममा
माता पिताको योगदान
अतः
आधा नारी
आधा पुरुष
मात्र
एक क्रोमोजोमको पृथकता
नर र नारीमा
मात्रात्मक भेद
स्त्री,
अलि कम पुरुष
पुरुष,
अलि कम स्त्री
शरीरको ढाँचाबाट
छाला-मांसको परत उतारौँ
अनि हेरौँ
पहिचानौँ
को नर ?
को नारी ??
प्रकृति भन्दा भिन्न
पुरुषार्थ गर्न सक्ने
पौरुष भएको
जो कोही
पुरुष
भन्छन्
"कृष्ण" एक पुरुष
बाँकी सबै प्रकृति
कोमलता
नमनीयता
सरलता
सहनशीलता
समर्पण
अनुराग
धैर्य
नारी गुण
जो पुरुष देहमा पनि हुन सक्छ
यसको विलोम
पौरुष्य
कठोरता
अहमता
असहिष्णुता
बुद्धिमत्ता
चञ्चलता
पराक्रम
पुरुष गुण
जो नारी तनमा पनि हुन सक्छ
अतः एव
मानवलाई चार कोणबाट हेर्न सकियो
स्त्रैण स्त्री
स्त्रैण पुरुष
पौरुष्य पुरुष
पौरुष्य स्त्री
जे होस्
यो झमेलालाई यहीँ छोडौँ
स्वयंमा नारी या पुरुष खोजौँ
अनि
सृष्टिको
प्रतिक चिन्ह
लिङ्ग बनौँ
बनौँ,
शिव
अर्धनारीश्वर
इति शुभम्
प्रभा अधिकारी
सूर्यविनायक -५
भक्तपुर
No comments:
Post a Comment