सेनिटरी प्याड
परमात्माको आशिर्वाद
उनैलाई धन्यवाद
पाएकोमा सृष्टिको जिम्मेवारी
म छु आभारी
हिजोको टालो
आजको प्याड
नट ब्याड
ऋतुश्राव अब रहेन झर्को
च्यात्नु पर्दैन
पटुकी फरिया या बर्को
थोरै दाम
बडा काम
राख्न सजिलो झोलामा चट्ट
आपदमा झिक्यो सट्ट
सानो माल
काम कमाल
बाटो अफिस कतै होलाकि भन्ने डर
सिकसिक छटपट फर्कौं कि घर
भए सार
नभए असार
रज सृजनाको मूल
पाप भनि नगरौँ भूल
रजस्वलाको साथी
उपयोगिता धेरै माथि
खेलकुद या कामकाज
राख्छ नारीको लाज
२८० एमएम वारपार
भरोसा अपार
न धुने न सुकाउने झन्झट
झिक्यो लगायो झटपट
महिलाको आस
विशेषता खास
छुइमा किन अपमान
वयस्कको संकेत अनि शान
नहुन् कोही दिक्दार
महिनावारीको पहरेदार
मासिक श्राव, नछुनी वा छाउ
सबै मिलि होली मनाउ आउ
नहेरौं मोल
काम अनमोल
ऋतु धर्म मासिक धर्म
यसलाई नभनौं अधर्म
स्वस्थ नारी
सम्वृद्ध सन्सारी
यत्र नार्यस्तु पूज्यन्ते रमन्ते तत्र देवताः ।
यत्रैतास्तु न पूज्यन्ते सर्वास्तत्राफलाः क्रियाः ।। मनुस्मृति ३/५६ ।।
इति शुभम्
प्रभा अधिकारी
सूर्यविनायक - ५
भक्तपुर
No comments:
Post a Comment