पिडा भुली हाँस्न रहर भो जीन्दगी
जीउनै नसकिने, कहर भो जीन्दगी
तिमीले दिएका चोटहरुको प्याला
पिउनै नसकिने, जहर भो जीन्दगी
चारै तिर छट्पटी अनि कोलाहल
दुर्गन्धित, सहर भो जीन्दगी
न हर्ष न खुसी उजाड उजाड
पानी बिनाको, नहर भो जीन्दगी
असरल्ल अस्तव्यस्त अनि निरस
बर्षा पछिको, बगर भो जीन्दगी
दुःख पिडा जति नै आइलागे पनि
रमाउँदै बाँच्ने, ठहर भो जीन्दगी
प्रभा अधिकारी
सूर्यविनायक-५
भक्तपुर
२०७६/०४/१२
No comments:
Post a Comment