मेरा उनी
२०७७/०१/०८ सोमबार
थोरै हिस्सी परे जस्ता
थोरै रङ्ग झरे जस्ता
खै कस्ता कस्ता
थोरै रिसाए जस्ता
थोरै खुसाए जस्ता
खै कस्ता कस्ता
थोरै हक्की जस्ता
थोरै झोक्की जस्ता
खै कस्ता कस्ता
थोरै हठी जस्ता
बाङ्गो लठ्ठी जस्ता
खै कस्ता कस्ता
थोरै मायालु जस्ता
थोरै झगडालु जस्ता
खै कस्ता कस्ता
थोरै सोझो जस्ता
थोरै बोधो जस्ता
खै कस्ता कस्ता
कहिले बुझ जस्ता
कहिले अबुझ जस्ता
खै कस्ता कस्ता
कहिले ज्ञानी जस्ता
कहिले स्यानी जस्ता
खै कस्ता कस्ता
कहिले आगो जस्ता
कहिले पानी जस्ता
खै कस्ता कस्ता
थोरै फक्रिए जस्ता
थोरै मुर्झाए जस्ता
खै कस्ता कस्ता
कहिले घाम जस्ता
कहिले जून जस्ता
खै कस्ता कस्ता
थोरै शान्त जस्ता
थोरै अशान्त जस्ता
खै कस्ता कस्ता
कहिले मेघ गर्जिए जस्ता
बर्षातमा पानी बर्सिए जस्ता
खै कस्ता कस्ता
प्रभा अधिकारी
सूर्यविनायक-५
भक्तपुर
No comments:
Post a Comment