मेरो रचना

 २०७८/०२/२१ शुक्रबार

मेरो रचना भनुँ

या वाचन

छरिएका अक्षर अनि शब्द समेटेर

आफुलाई सर्जक भनुँ

या वाचक

विस्मित छु

लज्जित हुन्छु

न शब्द मेरा

न छन्द

न स्वर मेरो

न लय

म तृण हुँ

सिन्धुको विन्दु हुँ

जब म हुन्छु

विणाको तार भेटिँदैन

सारङ्गी रेटिंदैन

जब म हुन्न

लय छुट्छ

स्वर उठ्छ

मनको मानसरोवरमा

शब्द सङ्गीत लहराउँछन्

उमङ्गका, जोसका अनि होसका

लतिका फहराउँछन्

मुग्ध कण्ठ सुसाउँछन्

तब केही बन्छ

प्रभा अधिकारी

सूर्यविनायक-५

भक्तपुर